16.01.2025 | 23:06
Ստամբուլի ընդդիմադիր քաղաքապետը Թուրքիայի իշխանություններին կոչ է արել իրեն դատել և հանգիստ թողնել իր կուսակցությանը
«Եթե օրինագիծն ընդունվի, զոհվածների որդիները կազատվեն պարտադիր զինծառայությունից». Հայկ Սարգսյան. ՏԵՍԱՆՅՈՒԹ
Քաղաքականություն
23.02.2022 | 15:22
ՀՀ պաշտպանության և անվտանգության հարցերի հանձնաժողովի նիստում քննարկվում է ԱԺ «Քաղաքացիական պայմանագիր» խմբակցության պատգամավոր Հայկ Սարգսյանի ներկայացրած նախագիծը, որով առաջարկում է փոփոխություն կատարել «Զինվորական ծառայության և զինծառայոողի մասին» օրենքում:
Ներկայացված Նախագծով առաջարկվում է փոփոխություն կատարել «Զինվորական ծառայության եւ զինծառայողի կարգավիճակի մասին» ՀՀ օրենքում: Մասնավորապես առաջարկվում է որպես պարտադիր զինվորական ծառայությունից ազատվելու հիմք սահմանել քաղաքացու` Հայաստանի Հանրապետության պաշտպանության մարտական գործողությունների կամ զինված ուժերում կամ այլ զորքերում կամ Հայաստանի Հանրապետության միջազգային պայմանագրերով Հայաստանի Հանրապետությունում տեղակայված օտարերկրյա պետությունների զինվորական ստորաբաժանումներում զինվորական ծառայության ընթացքում զոհված (մահացած) ծնող կամ եղբայր կամ քույր ունենալը` անկախ ընտանիքի միակ արու զավակը լինելու հանգամանքից:
Սարգսյանի խոսքով՝ մտահոգությունը է հնչել առ այն, որ այս նախագիծը լուրջ հարված կլինի զինված ուժերին և պաշտպանունակությանը, սակայն ամեն զորակոչին 10-20 զինծառայողի՝ այս հիմքով ազատվելը մարտունակության առումով խնդիր չի առաջացնի:
Սարգսյանը հիշեցրեց, որ տարեկան 8-10 հազար մարդ ազատվում է պարտադիր զինվորական ծառայությունից՝ հիմնականում առողջական խնդրի հիմքով, և առաջարկեց հետագայում օրենքի փոփոխություն կատարել և նրանց նույնպես ներգրավել զինվորական ծառայության մեջ:
Մանրամասները՝ տեսանյութում:
