24.03.2026 | 21:49
Ֆիլիպիններն էներգետիկ արտակարգ իրավիճակ է հայտարարել Իրանի պատերազմի պատճառով
Շատ դրական ենք գնահատում ՀՀ-ի դիրքորոշումը Ուկրաինայի հարցում. Դենիս Ավտոնոմով․ ՏԵՍԱՆՅՈՒԹ
Քաղաքականություն
23.02.2022 | 14:17
Մենք շատ շնորհակալ ենք Հայաստանից։ Այսօր հրավիրված ասուլիսում հայտարարեց Հայաստանում Ուկրաինայի գործերի ժամանակավոր հավատարմատար Դենիս Ավտոնոմովը՝ անդրադառնալով ՀՀ ԱԳՆ-ի տարածած հայտարարությանը, որով նշվում է, որ Հայաստանի օրակարգում չկա ինքնահռչակ Դոնեցկի և Լուգանսկի անկախությունը ճանաչելու հարցը։
«Մենք շատ դրական ենք գնահատում Հայաստանի դիրքորոշումը»,- ասաց նա՝ նկատելով, որ Հայաստանի սուվերեն իրավունքն է նման դիրքորոշում ընդունելը։
Նա մատնանշեց՝ Երևանը ցանկանում է, որ առկա խնդիրները լուծվեն դիվանագիտական երկխոսության և բանակցությունների միջոցով՝ միջազգային իրավունքի նորմերի ու սկզբունքների, ՄԱԿ-ի կանոնադրության հիման վրա:
«Բայց նրանց համար միջազգային իրավունքը և ՄԱԿ-ի կանոնագրությունը դադարել է գոյություն ունենալ, քանի որ դադարել են գոյություն ունենալ Մինսկյան համաձայնությունները»,- նշեց ուկրաինացի դիվանագետը։
Մանրամասները՝ տեսանյութում։
Հռիփսիմե Հովհաննիսյան
