16.01.2025 | 23:06
Ստամբուլի ընդդիմադիր քաղաքապետը Թուրքիայի իշխանություններին կոչ է արել իրեն դատել և հանգիստ թողնել իր կուսակցությանը
Ուկրաինան դատապարտում է Ռուսաստանի՝ Դոնեցկը և Լուգանսկը անկախ ճանաչելու որոշումը. Ավտոնոմով․ ՏԵՍԱՆՅՈՒԹ
Քաղաքականություն
23.02.2022 | 13:49
Ուկրաինան դատապարտում է իր տարածքում հենց Մոսկվայի կողմից ստեղծած կվազիմիավորների, այսպես կոչված, Դոնեցկի և Լուգանսկի ժողովրդական հանրապետությունների անկախությունը ճանաչելու՝ Պուտինի որոշումը։ Այս մասին այսօր հրավիրված ասուլիսում հայտարարեց Հայաստանում Ուկրաինայի գործերի ժամանակավոր հավատարմատար Դենիս Ավտոնոմովը։
«Այդպես Ռուսաստանը խախտել է միջազգային իրավունքը, ՄԱԿ-ի կանոնագիրը, խախտել է Ուկրաինայի սուվերինիտետը և տարածքային ամբողջականությունը։ ՌԴ-ի կողմից Դոնբասի հանրապետությունների ճանաչումը չի ունենա որևէ իրավական նշանակություն»,- ասաց նա։
Նրա խոսքով՝ այդ որոշումն ավելի է սրել իրավիճակը և նշանակում է Ռուսաստանի՝ Մինսկյան համաձայնություններից միակողմանի հրաժարում։
«Ուկրաինական կողմը հասկանում է, որ Ռուսաստանը փորձում է սադրել, բոլոր իրավիճաներին պատրաստ ենք և սադրանքներին չենք տրվում։ Մնում ենք հավատարարիմ ռուս-ուկրաինական հակամարտությունը դիվանագիտական-քաղաքական ճանապարհով կարգավորելուն»,- հայտարարեց նա։
Ավտոնոմը նկատեց՝ Ռուսաստանի հետագա քայլերը կախված կլինեն աշխարհի արձագանքից։
«Դրա համար մենք պնդում ենք, որ Ռուսաստանի նկատմամբ ցավալի պատժամիջոցներ կիրառվեն, որոնք կլինեն ազդանշան՝ հետագա սրումը անթույատրելի լինելու մասին»,- ասաց նա։
Մանրամասները՝ տեսանյութում։
Հռիփսիմե Հովհաննիսյան
