29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ԱՄՆ-ը հայտարարել է ռուս պաշտոնյաների երեխաների նկատմամբ պատժամիջոցների մասին
Քաղաքականություն
23.02.2022 | 16:12
ԱՄՆ Ֆինանսների նախարարությունը պատժամիջոցներ է սահմանել ռուս պաշտոնյաների երեխաների նկատմամբ, ասվում է գերատեսչության հաղորդագրության մեջ։
Պատժամիջոցներ են կիրառվել Դենիս Բորտնիկովի (ԱԴԾ ղեկավար Ալեքսանդր Բորտնիկովի որդին), Պյոտր Ֆրադկովի (ՌԴ նախկին վարչապետ Միխայիլ Ֆրադկովի որդու) և Վլադիմիր Կիրիենկոյի (նախագահի աշխատակազմի ղեկավարի տեղակալ Սերգեյ Կիրիենկոյի որդու) նկատմամբ։
Դրանք ենթադրում են, որ ԱՄՆ-ում պատժամիջոցների ենթարկված անձանց գույքը և ցանկացած ակտիվներ արգելափակվելու են: Սա վերաբերում է նաև այն ընկերություններին, որոնցում ուղղակիորեն կամ անուղղակիորեն նրանց են պատկանում բաժնետոմսերի 50% և ավելին: ԱՄՆ քաղաքացիներին և ֆինանսական հաստատություններին արգելվում է բիզնես վարել պատժամիջոցների տակ գտնվող անձանց հետ։
Ավելի վաղ ԱՄՆ նախագահ Ջո Բայդենը Դոնբասում տիրող իրավիճակի հետ կապված հրատապ կոչով հայտարարել էր Ռուսաստանի դեմ նոր պատժամիջոցների մասին՝ կապված ինքնահռչակ Լուգանսկի և Դոնեցկի ճանաչման հետ։ ԱՄՆ նախագահը խոստացել է նաեւ Եվրոպայից Բալթյան երկրներ ռազմական անձնակազմ տեղափոխել։
Տաթև Ֆռանգյան
