12.12.2024 | 19:44
ՌԴ-ին հարյուրավոր միլիոններ ենք փոխանցել, երեք միավոր զենք են տվել․ Գագիկ Մելքոնյան. ՏԵՍԱՆՅՈՒԹ
ԱՄՆ-ը 800 զինվորականի կուղարկի Բալթյան երկրներ
Քաղաքականություն
23.02.2022 | 16:29
ԱՄՆ-ն Իտալիայից 800 զինվորական կտեղափոխի Բալթյան երկրներ՝ ՆԱՏՕ-ի արևելյան թևն ուժեղացնելու համար։ Տարածաշրջանում ռազմական ներկայությունն ուժեղացնելու մասին ԱՄՆ նախագահ Ջո Բայդենի հայտարարությունից հետո այս մասին հայտնել են Պենտագոնից, փոխանցում է delfi-ն։
Պենտագոնի տվյալներով՝ Գերմանիայից 8 F-35 կործանիչ կտեղափոխվի «ՆԱՏՕ-ի արևելյան թևի գործողությունների մի շարք տարածքներ»։ 20 Ան-64 մարտական ուղղաթիռ Գերմանիայից կտեղափոխվի Բալթյան երկրներ, ևս 12-ը՝ Հունաստանից Լեհաստան։ Ներկայում Եվրոպայում մշտական կամ ժամանակավոր հիմունքներով ավելի քան 90․000 ամերիկացի զինծառայող կա:
«Այդ լրացուցիչ զորքերը կտեղափոխվեն ՆԱՏՕ-ի մեր դաշնակիցներին հանգստացնելու, ՆԱՏՕ-ի անդամների դեմ հնարավոր ագրեսիան կանխելու և ընդունող երկրների զինված ուժերին մարզելու համար»,- ասել է ԱՄՆ պաշտպանական գերատեսչության բարձրաստիճան պաշտոնյան:
Կանադայի վարչապետ Ջասթին Թրյուդոն իր հերթին ասել է, որ երկիրը նաև կավելացնի իր ռազմական ներկայությունը Արևելյան Եվրոպայում՝ «ցամաքում, ջրում և օդում»:
Տաթև Ֆռանգյան
