Քաղաքականություն
23.02.2022 | 12:21«Ես կարծում եմ՝ իրականում երկու կողմերը քննարկում են հայ-թուրքական հաշտեցման փաստաթուղթ, հակառակ պարագայում՝ ինչի՞ մասին են այսքան բանակցում»,- այսօր խորհրդարանում լրագրողների հետ ճեպազրույցում ասաց ԱԺ փոխնախագահ Իշխան Սաղաթելյանը՝ անդրադառնալով Հայաստանի և Թուրքիայի միջև մեկնարկած բանակցային գործընթացին։
«Ես կարծում եմ՝ կա փաստաթուղթ, հակառակ պարագայում, եթե խոսքը Հայաստանի և Թուրքիայի միջև դիվանագիտական հարաբերություններ հաստատելու մասին է, երկար քննարկելու հարցը կամ բանակցությունների առարկա՞ն որն է։ Թող մեկ նախադասությամբ հայտարարեն, որ երկու երկրների միջև հաստատվում է դիվանագիտական հարաբերություն, փոխանակվում են դեսպաններ։ Սա է պրոտոկոլը:
Իսկ եթե իրենք շարունակում են բանակցությունները, դա նշանակում է, որ քննարկում են հայ-թուրքական հաշտեցման փաստաթուղթ, որտեղ ոտնահարված է լինելու մեր բոլոր շահերը։ Եվ ըստ էության՝ հրապարակային կամ գաղտնի կերպով արտացոլված են լինելու Թուրքիայի և Ադրբեջանի պայմանները»,- նշեց Սաղաթելյանը։
Մանրամասները՝ տեսանյութում:
