Պուտինի քայլերը դատապարտող բանաձև է ընդունվել. ՀՀ իշխանությունը ձեռնպահ է մնացել․ ՏԵՍԱՆՅՈՒԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Երևանում կայացած «Եվրանեսթ» խորհրդարանական վեհաժողովի նիստի ընթացքում հայտարարվել է, որ Լեռնային Ղարաբաղի հակամարտությունը լուծված չէ, սակայն խնդրին առնչվող բանաձև չի ընդունվել: Արցախյան հիմնախնդրի թեմայով քննարկմանը մասնակցել է նաև Եվրախորհրդարանի՝ Հարավային Կովկասի երկրների հետ համագործակցության հանձնաժողովների անդամ Մարինա Կալյուրանդը, որի դիրքորոշումը Հայաստանում իշխանությունն ու ընդդիմությունը կարևոր են համարում:

2012 թվականի բոյկոտից հետո Հայաստանում անցկացվող Եվրանեսթի նիստերին առաջին անգամ մասնակցում է նաև Ադրբեջանի պատվիրակությունը: Ադրբեջանի Միլի մեջլիսի պատգամավոր Սոլթան Մամեդովը հայտարարել է, որ լուծված են և՛ ղարաբաղյան հակամարտությունը, և՛ ռազմագերիների հարցը: Ըստ Մամեդովի՝ այժմ «Բաքվում պահվում են միայն ռազմական հանցագործներ»: «Եվրանեսթ» ԽՎ-ում Հայաստանի պատվիրակության ղեկավար Մարիա Կարապետյանը սուր քննադատում է ադրբեջանցի պատգամավորի այս դիրքորոշումը:

Ադրբեջանցի պատգամավորները կարևորել են ճանապարհների ապաշրջափակման գործընթացի կյանքի կոչումը: Երևանում, սակայն, նրանց հիշեցրել են Բաքվի որոշմամբ փակված ճանապարհների մասին:

«Եվրանեսթ» ԽՎ-ի պատվիրակաները քննարկել են նաև Ուկրաինայի շուրջ տեղի ունեցող զարգացումները: Երեկ ԽՎ Բյուրոյի նիստում ընդունվել է բանաձև, որով դատապարտվել են Ռուսաստանի ոտնձգությունները Ուկրաինայի տարածքային ամբողջականության նկատմամբ: Տեղեկությունը հայտնեց ԱԺ «Հայաստան» խմբակցության պատգամավոր Արթուր Խաչատրյանը:

Թե ով է Պուտինի վարչակազմի քաղաքականությունը քննադատող բանաձևի հեղինակը, Մարիա Կարապետյանը չի բացահայտում, ինչպես և չի գաղտնազերծում բանաձևի բովանդակությունը:

Ուկրաինայի շուրջ ստեղծված իրավիճակին առնչվող բանաձևը, մինչ հրապարակվելը, խմբագրվում է՝ պայմանավորված երեկ ուշ երեկոյան Պուտինի կողմից Դոնեցկի և Լուգանսկի ինքնահռչակ հանրապետությունների անկախության ճանաչման մասին հրամանագրերով։ Բանն այն է, որ Եվրանեսթ ԽՎ քաղաքական կոմիտեում բանաձևն ընդունվել էր մինչ Պուտինի այդ որոշումը, թե ինչ է փոխվելու, առայժմ չի բացահայտվում:

Նշենք, որ Երևանում քննարկված բանաձևի մասին հայտնել էր Ուկրաինայի Գերագույն ռադայի մամուլի ծառայությունը։ Ըստ Կիևի պաշտոնական հաղորդագրության՝ բանաձևը Երևանում անցկացվող «Եվրանեսթ» խորհրդարանական վեհաժողովի Բյուրոյի նիստում ընդգրկվել է ուկրաինական պատվիրակության նախաձեռնությամբ։

Պաշտոնական Երևանը, այնուհանդերձ, առայժմ չի մեկնաբանում Վլադիմիր Պուտինի կողմից Դոնեցկի և Լուգանսկի ինքնահռչակ հանրապետությունների անկախության ճանաչումը: Factor TV-ն ՀՀ ԱԳ նախարարությունից փորձեց պարզել, թե այս հարցում ո՞րն է պաշտոնական Երևանի դիրքորոշումը, սակայն գերատեսչության մամուլի խոսնակ Վահան Հունանյանն առաջարկեց հարցերն ուղղել գրավոր:

Ուշագրավ է, որ Մոսկվայի և Կիևի միջև թեժացող հակամարտության ֆոնին առաջիկայում ՀՀ վարչապետը կմեկնի Մոսկվա՝ Պուտինի հրավերով:

Մանրամասները՝ տեսանյութում։

Նարեկ Կիրակոսյան