13.09.2026 | 11:25
Խոշտանգման ենթադրյալ դեպքի առնչությամբ ՆԳՆ-ում ծառայողական քննություն է նշանակվել
Զելենսկին Էրդողանի հետ հեռախոսազրույց է ունեցել
Քաղաքականություն
22.02.2022 | 17:47
Ուկրաինայի նախագահ Վլադիմիր Զելենսկին հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ ու քննարկել ՌԴ-ի՝ Դոնեցկի ու Լուգանսկի ինքնահռչակ Հանրապետությունների ճանաչման որոշումը։ Այս մասին Ուկրաինայի նախագահը հայտնել է թվիթերյան գրառման մեջ։
«Երախտագիտություն հայտնեցի ՌԴ-ի վերջին սադրիչ որոշման առնչությամբ Ուկրաինային աջակցելու համար։ Նաև շնորհակալություն հայտնեցի ՄԱԿ-ի Անվտանգության խորհրդի մշտական անդամների, ինչպես նաև Ուկրաինայի, Գերմանիայի ու Թուրքիայի մասնակցությամբ գագաթնաժողովի անցկացմանը սատարելու համար»,-գրել է Զելենսկին։
Հիշեցնենք, որ այսօր ավելի վաղ Էրդողանը հայտարարել էր, որ անընդունելի է համարում ՌԴ-ի կողմից Դոնեցկի և Լուգանսկի ինքնահռչակ հանրապետությունների ճանաչումը։ Թուրքիայի նախագահը կողմերին կոչ էր արել ողջախոհություն ցուցաբերել և հարգել միջազգային իրավունքը։
Էմմա Չոբանյան
