19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Երևանն առայժմ չի մեկնաբանում Պուտինի որոշումը. Factor.am-ն ԱԳՆ գրավոր հարցում է ուղարկել
Քաղաքականություն
22.02.2022 | 14:43
Պաշտոնական Երևանն առայժմ չի մեկնաբանում ՌԴ նախագահ Վլադիմիր Պուտինի կողմից Լուգանսկի և Դոնեցկի ինքնահռչակ հանրապետությունների անկախության ճանաչումը: Factor.am-ը ՀՀ Արտաքին գործերի նախարարությունից փորձեց պարզել, թե այս հարցում ո՞րն է պաշտոնական Երևանի դիրքորոշումը, սակայն, արտաքին քաղաքական գերատեսչության մամուլի խոսնակ Վահան Հունանյանն առաջարկեց հարցերն ուղել գրավոր: Factor.am-ն արդեն գրավոր հարցում է ուղարկել ԱԳՆ։
Այսօր լրագրողների հետ ճեպազրույցում իշխող «Իմ քայլը» խմբակցության պատգամավոր Մարիա Կարապետյանը հրաժարվեց դիրքորոշում հայտնել թեմայի վերաբերյալ՝ նշելով, որ քաղաքական թիմի հետ քննարկում չի եղել:
Մինչ Երևանը լռում է, Ստեփանակերտից ամենաբարձր մակարդակնով արդեն հասցրել են Պուտինի քայլը դրական համարել: Արցախի նախագահ Արայիկ Հարությունյանը և խորհրդարանի նախագահ Արթուր Թովմասյանը շնորհավորել են ինքնահռչակ հանրապետությունների ժողովրդին:
Ուշագրավ է, որ առաջիկայում Մոսկվայում նախատեսվում է ՀՀ վարչապետի և ՌԴ նախագահի հանդիպումը՝ Պուտինի հրավերով:
Նարեկ Կիրակոսյան
