29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՀԱՊԿ ուժերի ուղարկումը Դոնեցկ և Լուգանսկ բացառվում է․ Ղազախստանի ԱԳ նախարար
Քաղաքականություն
22.02.2022 | 12:44
Հավաքական անվտանգության պայմանագրի կազմակերպության (ՀԱՊԿ) ուժերի ուղարկումն ինքնահռչակ Դոնեցկի և Լուգանսկի ժողովրդական հանրապետություններ բացառվում է։ Այս մասին հայտարարել է Ղազախստանի ԱԳ նախարար Մուխտար Թլեուբերդին, գրում է «Իզվեստիան»։
«Ո՛չ, դա անհնար է, քանի որ ՀԱՊԿ կանոնադրությունը խստորեն սահմանափակում է ռազմական ու խաղաղարար ուժերի կիրառումը։ Նրանք կարող են օգտագործվել միայն ՀԱՊԿ տարածքում»,- ասել է Թլեուբերդին լրագրողների հետ զրույցում։
Ղազախ պաշտոնյայի խոսքով՝ ՄԱԿ-ն ունի իր խաղաղապահ ուժերը, հետևաբար՝ «այդ հարցը գործնական հարթության վրա չէ»։
Հիշեցնենք, որ ավելի վաղ ՀԱՊԿ գլխավոր քարտուղար Ստանիսլավ Զասը հայտարարել էր, որ ՀԱՊԿ-ն կարող է խաղաղապահ ուժեր ուղարկել Դոնբասի տարածք, սակայն զարգացման նման տարբերակը հնարավոր է ՄԱԿ-ի Անվտանգության խորհրդի և Ուկրաինայի համաձայնությամբ։
Հավելենք, որ նախօրեին ՌԴ նախագահ Վլադիմիր Պուտինը հրամանագրեր էր ստորագրել ինքնահռչակ Լուգանսկի և Դոնեցկի ժողովրդական հանրապետությունների անկախությունը ճանաչելու մասին։
Էմմա Չոբանյան
