29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Հնդկաստանը կոչ է արել անհապաղ թուլացնել Ուկրաինայի շուրջ ստեղծված ճգնաժամը
Քաղաքականություն
22.02.2022 | 10:48
Հնդկաստանի իշխանությունները գլխավոր առաջնահերթություն են համարում Ուկրաինայի շուրջ ստեղծված իրավիճակի հետ կապված ճգնաժամի դեէսկալացիան ։ Այս մասին համապատասխան թեմայով ՄԱԿ-ի Անվտանգության խորհրդի արտակարգ նիստի ընթացքում հայտարարել է համաշխարհային կազմակերպությունում Հնդկաստանի մշտական ներկայացուցիչ Տիրումուրտին, գրում է ՌԻԱ Նովոստին։
«Ուկրաինայի և Ռուսաստանի Դաշնության սահմանին լարվածության աճը խոր մտահոգության տեղիք է տալիս։ Այս զարգացումները տարածաշրջանում խաղաղությունն ու անվտանգությունը խաթարելու ներուժ ունեն»,- ասել է Տիրումուրտին։
«Մենք պետք է տեղ տանք կողմերի վերջին նախաձեռնություններին, որոնք ձգտում են թուլացնել լարվածությունը: Այս համատեքստում մենք ողջունում ենք ինտենսիվ ջանքերը, որոնք ձեռնարկվում են, այդ թվում՝ Եռակողմ շփման խմբի միջոցով և Նորմանդական ձևաչափի շրջանակներում: Մեզ պետք է, որ կողմերը ավելին անեն՝ իրենց շահերից ելնելով տարաձայնությունները հաղթահարելու համար: Մենք չենք կարող մեզ թույլ տալ ռազմական էսկալացիա»,- հավելել է Հնդկաստանի դեսպանը։
Նա նաեւ ընդգծել է, որ հնդկական կողմը մտահոգված է Ուկրաինայում Հնդկաստանի քաղաքացիների անվտանգությամբ։
«Քաղաքացիների անվտանգությունն ու պաշտպանությունը կարևոր է: Ավելի քան 20,000 հնդիկ ուսանողներ և քաղաքացիներ ապրում և սովորում են Ուկրաինայի տարբեր շրջաններում, ներառյալ սահմանամերձ շրջաններում: Հնդկացիների բարեկեցությունը մեզ համար առաջնահերթություն է», – ասել է Տիրումուրտին:
Տաթև Ֆռանգյան
