10.10.2026 | 10:24
Պլանային ջրանջատում Սյունիքի մարզում
Մենք համապատասխան քայլեր կձեռնարկենք. Բլինքենը` Պուտինի կողմից Դոնեցկի և Լուգանսկի անկախության ճանաչման մասին
Քաղաքականություն
22.02.2022 | 02:20
ԱՄՆ-ի պետքարտուղար Էնթոնի Բլինքենը նույնպես արձագանքել է ՌԴ նախագահ Վլադիմիր Պուտինի կողմից Դոնեցկի և Լուգանսկի անկախության ճանաչմանը:
«Կրեմլի կողմից, այսպես կոչված, «Դոնեցկի և Լուգանսկի Ժողովրդական Հանրապետությունների» «անկախ» ճանաչումը պահանջում է արագ և վճռական արձագանք, և մենք համապատասխան քայլեր կձեռնարկենք՝ համաձայնեցնելով դրանք մեր գործընկերների հետ»,-գրել է Բլինքենը Twitter-ի իր էջում:
Հիշեցնենք, որ փետրվարի 21-ի երեկոյան ՌԴ նախագահ Վլադիմիր Պուտինը հայտարարեց Դոնեցկի և Լուգանսկի ինքնահռչակ հանրապետությունների անկախության և ինքնիշխանության ճանաչման մասին։ Պուտինի այս որոշումն արդեն իսկ դատապարտել են ՆԱՏՕ-ի գլխավոր քարտուղարը, Լեհաստանի վարչապետը, Մեծ Բրիտանիայի վարչապետը։
Ուկրաինայի նախագահ Վլադիմիր Զելենսկին հեռախոսազրույց է ունեցել ԱՄՆ նախագահ Ջո Բայդենի հետ, այս պահին ընթանում է Ուկրաինայի անվտանգության խորհրդի նիստը՝ երկրի նախագահի գլխավորությամբ։
