16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Մեծ Բրիտանիան վաղը պատժամիջոցներ կհայտարարի ընդդեմ Ռուսաստանի
Քաղաքականություն
22.02.2022 | 01:53
Մեծ Բրիտանիայի արտաքին գործերի նախարար Լիզ Թրասը հայտարարել է, որ իր երկրի կառավարությունը պատժամիջոցներ կհայտարարի Ռուսաստանի դեմ՝ ՌԴ նախագահ Վլադիմիր Պուտինի կողմից Ուկրաինայի երկու անջատված շրջանների անկախությունը ճանաչելու պատճառով։
«Վաղը մենք կհայտարարենք Ռուսաստանի դեմ նոր պատժամիջոցների մասին՝ ի պատասխան նրանց կողմից միջազգային իրավունքի խախտման ու Ուկրաինայի ինքնիշխանության և տարածքային ամբողջականության վրա հարձակման»,- գրել է Թրասը Twitter-ում:
Հիշեցնենք, որ փետրվարի 21-ի երեկոյան ՌԴ նախագահ Վլադիմիր Պուտինը հայտարարեց Դոնեցկի և Լուգանսկի ինքնահռչակ հանրապետությունների անկախության և ինքնիշխանության ճանաչման մասին։ Պուտինի այս որոշումն արդեն իսկ դատապարտել են ՆԱՏՕ-ի գլխավոր քարտուղարը, Լեհաստանի վարչապետը, Մեծ Բրիտանիայի վարչապետը։
Ուկրաինայի նախագահ Վլադիմիր Զելենսկին հեռախոսազրույց է ունեցել ԱՄՆ նախագահ Ջո Բայդենի հետ, այս պահին ընթանում է Ուկրաինայի անվտանգության խորհրդի նիստը՝ երկրի նախագահի գլխավորությամբ։
