10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
ՆԱՏՕ-ի գլխավոր քարտուղարը դատապարտել է Ռուսաստանի կողմից Դոնեցկի և Լուգանսկի անկախության ճանաչումը
Քաղաքականություն
22.02.2022 | 00:40
ՆԱՏՕ-ի գլխավոր քարտուղար Յենս Ստոլտենբերգը դատապարտել է Ռուսաստանի կողմից Լուգանսկի և Դոնեցկի անկախության եւ ինքնիշխանության ճանաչումը, հաղորդում է Ռիա Նովոստին:
«Ես դատապարտում եմ Ռուսաստանի կողմից Դոնեցկի և Լուգանսկի ճանաչումը: Սա խաթարում է հակամարտությունը լուծելու ջանքերը և խախտում Մինսկի համաձայնագրերը: ՆԱՏՕ-ն աջակցում է Ուկրաինայի ինքնիշխանությանը և տարածքային ամբողջականությանը: Մենք կոչ ենք անում Մոսկվային դադարեցնել հակամարտությունը բորբոքելու քայլերը և ընտրել դիվանագիտությունը»,- գրել է ՆԱՏՕ-ի գլխավոր քարտուղարը Twitter-ում։
Հիշեցնենք, որ ժամեր առաջ ՌԴ նախագահ Վլադիմիր Պուտինը հայտարարեց Դոնեցկի և Լուգանսկի ինքնահռչակ հանրապետությունների անկախության եւ ինքնիշխանության ճանաչման մասին։
