09.02.2026 | 18:11
Մանրամասներ` Փաշինյան-Վենս հանդիպումից․ ԼՈՒՍԱՆԿԱՐՆԵՐ
ՌԴ կողմից Դոնեցկի և Լուգանսկի անկախության ճանաչումը Ուկրաինայի ինքնիշխանության խախտում է և շատ վատ նշան․ Բորիս Ջոնսոն
Քաղաքականություն
22.02.2022 | 00:01
Ռուսաստանի կողմից ինքնահռչակ ԴԺՀ-ի և ԼԺՀ-ի ճանաչումը միջազգային իրավունքի և Ուկրաինայի ինքնիշխանության խախտում է, հայտարարել է Մեծ Բրիտանիայի վարչապետ Բորիս Ջոնսոնը՝ արձագանքելով րոպեներ առաջ ՌԴ նախագահ Վլադիմիր Պուտինի կողմից այդ ինքնահռչակ հանրապետությունների անկախության ճանաչման մասին հայտարարությանը, գրում է Ռիա Նովոստին:
«Դոնեցկի և Լուգանսկի հանրապետությունների ճանաչումը միջազգային իրավունքի ակնհայտ խախտում է, դա ինքնիշխանության և տարածքային ամբողջականության խախտում է և Մինսկի համաձայնագրերի մերժում: Ես կարծում եմ, որ սա շատ վատ նշան է: Սա միանշանակ ևս մեկ ազդանշան է, որ իրավիճակը սխալ ուղղությամբ է զարգանում, Մեծ Բրիտանիան կանի ամեն ինչ՝ աջակցելու ուկրաինացի ժողովրդին»,- ասել է Ջոնսոնը։
Հիշեցնենք, որ այսօր ՌԴ նախագահ Վլադիմիր Պուտինը հայտարարել է Լուգանսկի և Դոնեցկի անկախության ճանաչման մասին և ստորագրել համապատասխան հրամանագիրը
