12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
ՀՀԿ-ական պատգամավորը չգիտի՝ խմբակցությունը մտադի՞ր է Նիկոլ Փաշինյանին զրկել պատգամավորական անձեռնմխելիությունից. ՏԵՍԱՆՅՈՒԹ
Քաղաքականություն
19.04.2018 | 19:47
Կարինե Աճեմյանը Նիկոլ Փաշինյանին կոչ է անում վերադառնալ խորհրդարան և այստեղի ամբիոնից խոսել իր ընտրողների հետ։ Հենց դրա համար են նրան տվել պատգամավորի մանդատը: «Ես ուղիղ եթերում տեսա, թե նա ինչպես արտահայտվեց իր պատգամավորական վկայականի մասին, որն իբրև թե կորցրել է, և ինքը դա չի արժևորում։ Ի՞նչ անենք որ կորցրել է»,- ասում է տիկին Աճեմյանը։
Առայժմ Հանրապետական խմբակցությունը չի քննարկում Փաշինյանին պատգամավորական մանդատից կամ անձեռնմխելիությունից զրկելու հարցը, համենայնդեպս, տիկին Աճեմյանը նման տեղեկություններ չունի: «Դա գործընթաց է, որն իրականացվում է ԱԺ ղեկավարության կողմից՝ պարզելով և վերլուծելով որոշակի գործընթացներ, դա իմ կոմպետենցիայի մեջ չի մտնում»,- մանրամասնում է իշխանական պատգամավորը։
Նա նկատում է, որ Հայաստանը խորհրդարանական երկիր է և փաստորեն Փաշինյանն արդեն իսկ ունի իշխանություն։ Այն հարցին, թե չարժե, որ Սերժ Սարգսյանը երկխոսության հրավիրի, տիկին Աճեմյանն ասում է, որ գործող վարչապետն իր անելիքը լավ գիտի: «Սերժ Սարգսյանը շատ լավ գիտի ինչ պիտի անի, ես չէ, որ պիտի դա ասեմ, այս օրերին նորընտիր վարչապետը իր հանդուրժողականությամբ, իր կեցվածքով ամեն ինչ անում է, որ խաղաղ ցույցերն իրենց հանգուցալուծումը ստանան»,- եզրափակում է ՀՀԿ խմբակցության անդամը։
Մհեր Արշակյան
