08.06.2026 | 17:40
Եթե Ծառուկյանը լավ մտածի՝ պիտի մատաղ անի, որ ԱԺ չանցնի․ ՔՊ-ին օդ ու ջրի պես պետք են նրա մանդատները ․ Նորայր Նորիկյան․ ՏԵՍԱՆՅՈՒԹ
Ա․ Թաթոյանն ամփոփում է ՔԿՀ-ներում, հոգեբուժարաններում մարդու իրավունքների պաշտպանության աշխատանքները․ ՏԵՍԱՆՅՈՒԹ
Հասարակություն
21.02.2022 | 13:46
«Ցավոք մեր քրեակատարողական համակարգը այսօր էլ շարունակում է մնալ պատժողական: Այս մասին հայտարարել է Մարդու իրավունքների պաշտպան Արման Թաթոյանը:
ՀՀ ՄԻՊ-ն ամփոփել է ՔԿՀ-ներում, հոգեբուժական կազմակերպություններում ու իրավապահ մարմինների համակարգի ազատությունից զրկման վայրերում մարդու իրավունքների պաշտպանության աշխատանքները։
«Արդարադատությունը չի ավարտվում բանտի դարպասների ետևում, մարդիկ չեն հայտնվում բանտերում նրա համար, որպեսզի 2-րդ անգամ պատժվեն։ Պետությունը պետք է մարդուն պատրաստի ազատ արձակման, այլ ոչ թե ոչինչ չանի ու հետո էլ ասի, թե նա ազատ արձակման պատրաստ չէ: Պետք է գործի անհատական մոտեցում, ռիսկային գնահատման մեխանիզմ և վստահության կանխավարկած ազատազրկվածի նկատմամբ»,- ընդգծել է մարդու իրավունքների պաշտպան Արման Թաթոյանը։
Անդրադառնալով հոգեբուժական հաստատություններում արձանագրված խնդիրներին, ՄԻՊ-ն առանձնացրեց հոգեկան խնդիրներ ունեցող անձանց ոչ հոժարական բուժում ստանալու հետ կապված հարցը:
«ՀՀ հոգեբուժարաններում արձանագրվել են խնդիրներ՝ ժամկետանց դեղերից սկսած՝ մինչև զսպման միջոցների սխալ գործադրում: Պետք է այնպես անենք, որ հոգեկան առողություն ունեցող մարդը, որ հայտնվել է հոգեբուժական հաստատությունում, արագ բուժվի և ինտեգրվի հասարակությանը, ցավոք, այսօր մեխանիզմները այնպիսին են, որ նպաստում են մեկուսացմանը»,-նշեց Թաթոյանը:
Մանրամասները՝ տեսանյութում:
