14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ի փոխնախագահը խոսել է ՌԴ նկատմամբ լրջագույն պատժամիջոցների փաթեթի մասին
Քաղաքականություն
20.02.2022 | 16:41
Միացյալ Նահանգների փոխնախագահ Քամալա Հարիսը հայտնել է, որ ՆԱՏՕ-ի անդամները լրջագույն պատժամիջոցներ են նախապատրաստում Ռուսաստանի նկատմամբ: Ինչպես փոխանցում է «Արմենպրես»-ը, այս մասին նա խոսել է Մյունխենի անվտանգության համաժողովի շրջանակում:
«Ռուսաստանը շարունակում է նեղացնել երկխոսության հնարավորությունների պատուհանը՝ միաժամանակ հայտարարելով, որ պատրաստ է դրան։ Եթե նա շարունակի գործել նույն կերպ, ապա մենք՝ ՆԱՏՕ-ի դաշնակիցներս, լրջագույն պատժամիջոցներ կկիրառենք Ռուսաստանի դեմ։ Մենք միջոցառումների փաթեթ ենք պատրաստել, դրանք կոշտ են լինելու»,- ասել է նա։
Հարիսը մասնավորեցրել է, որ պատժամիջոցներն ուղղված են լինելու ընդդեմ ռուսական ֆինանսական ինստիտուտների, տնտեսության ու արդյունաբերության առանցքային ոլորտների, որոնք լրջագույն հարված կլինեն Ռուսաստանի տնտեսությանը:
