08.06.2026 | 17:36
Հայաստանի գործող իշխանությանը այսօր անհրաժեշտ է ուժեղ և պատասխանատու հակակշիռ․ Արման Բաբաջանյան
Առողջապահության փոխնախարարն աշխատանքային այցերով եղել է մի շարք ԲԿ-ներում
Հասարակություն
19.02.2022 | 15:18
Առողջապահության նախարարի տեղակալ Արտակ Ջումայանն աշխատանքային այցերով եղել է մի շարք բժշկական կենտրոններում` «Սուրբ Գրիգոր Լուսավորիչ», «Մեդլայն», «Սուրբ Աստվածամայր», «Արմենիա», Մասիսի, Սպիտակի, Գյումրու բուժկենտրոններում, շրջել է նաև «Արաբկիր» բժշկական համալիր-երեխաների և դեռահասների առողջության և Միքայելյան վիրաբուժության ինստիտուտներում, Ինֆեկցիոն հիվանդությունների ազգային ու Վնասվածքաբանության և օրթոպեդիայի գիտական կենտրոններում. տեղեկացնում են ՀՀ ԱՆ-ից:
Փոխնախարարը ծանոթացել է COVID-19-ով պացիենտների բուժման համար վերապրոֆիլավորված բժշկական կազմակերպությունների կողմից մատուցվող ծառայություններին և բուժման գործընթացին, գնահատել աշխատանքների կազմակերպմանն առնչվող ընթացիկ իրավիճակը:
Միաժամանակ, բժշկական կազմակերպությունների տնօրենների հետ քննարկվել են առողջապահական, ինչպես նաև ստացիոնար բուժման մեջ գտնվող պացիենտների առողջության բարելավմանը վերաբերող մի շարք հարցեր:
