09.06.2026 | 00:17
Մարկո Ռուբիոն շնորհավորել է Փաշինյանին
Ուկրաինայի ՆԳՆ-ն կարծում է, որ Դոնեցկի և Լուգանսկի ինքնահռչակ հանրապետությունները մասշտաբային սադրանքներ են նախապատրաստում
Քաղաքականություն
18.02.2022 | 21:21
Ուկրաինայի Ներքին գործերի նախարարությունում ենթադրում են, որ ինքնահռչակ Դոնեցկի և Լուգանսկի ժողովրդական հանրապետությունները «մասշտաբային սադրանքներ են պատրաստում՝ ուկրաինական տարածքի է՛լ ավելի զանգվածային գնդակոծմամբ»։ Այս մասին Facebook-ում գրել է ՆԳՆ ղեկավարի խորհրդական Անտոն Գերաշչենկոն, փոխանցում է unian.net-ը։
«Ահաբեկչական կազմակերպությունների ղեկավարների՝ Պուշիլինի ու Պասեչնիկի հայտարարությունները Մինսկյան պայմանավորվածությունների վերջնական հոգեվարքն են։ Ի՞նչ ընտրությունների մասին կարող ենք խոսել օկուպացված տարածքներում, եթե նրանք բացահայտ ստում են իրենց պատանդներին Ուկրաինայի զինված ուժերի գոյություն չունեցող հարձակման մասին»,- գրել է ՆԳՆ ներկայացուցիչը։
Էմմա Չոբանյան
