09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Դոնեցկի կենտրոնում պայթյուն է որոտացել․ լրատվամիջոց
Քաղաքականություն
18.02.2022 | 20:45
Դոնեցկի կենտրոնում ուժեղ պայթյուն է որոտացել։ Այս մասին հայտնել է ՌԻԱ Նովոստիի թղթակիցը։
Աղբյուրի փոխանցմամբ՝ պայթյունը տեղի է ունեցել ինքնահռչակ Դոնեցկի ժողովրդական հանրապետության կառավարության շենքից մի քանի տասնյակ մետր հեռավորության վրա։ Պայթյունի վայրում հրդեհ է։
Հաղորդվում է, որ մոտակա շենքերը չեն վնասվել, զոհերի մասին դեռ տեղեկություններ չկան։
Ոստիկանությունում հաստատել են միջադեպի մասին տեղեկությունը՝ նշելով, որ Մոսկվայի ժամանակով մոտ 19:00-ին մեքենա է պայթել կառավարության շենքի մոտ գտնվող ավտոկայանատեղիում:
«Ամբողջ քաղաքը լսել է պայթյունի ալիքը: Պայթյունի վայր են մեկնել ԱԻՆ աշխատակիցները: Խնդրում ենք հանգստություն պահպանել, զգոն լինել, ինչպես նաև հնարավորինս բացառել քաղաքում տեղաշարժը»,- ասվում է ոստիկանության Telegram-յան ալիքում հրապարակված հաղորդագրությունում։
