Քաղաքականություն
18.02.2022 | 19:23«Ամեն մեկս նվիրված ամեն ինչ պետք է անենք, որպեսզի ոչ միայն անվտանգ լինեն ՀՀ սահմանները, այլ նաև Արցախը՝ այս պատերազմից հետո: Դա նշանակում է, որ պաշտպանության բանակի ռեֆորմ ևս պետք է իրականացնել: Հայաստանը և Արցախը եղել են անվտանգային նույն տիրույթում, և դա պետք է պահպանվի»,- այս մասին Factor.am-ի հետ զրույցում նշեց ԱԺ պաշտպանության և անվտանգային հարցերի մշտական հանձնաժողովի նախագահ Անդրանիկ Քոչարյանը:
Հարցին, թե բացառո՞ւմ է Արցախը՝ Ադրբեջանի կազմում, Քոչարյանը պատասխանեց. «Արցախը հիմա որտե՞ղ է, Արցախը գտնվում է Արցախում, առնվազն 4 տարի կազմի խնդիր չի քննարկվելու, պետք է այս հրադադարի ռեժիմը ճիշտ օգտագործենք… Հեռանկարում ինչ սցենարներ կզարգանան, աշխարհում ինչ տեղի կունենա, չգիտեմ…»:
Անդրադառնալով հարցին, թե ՀՀ իշխանությունները գիտե՞ն՝ ինչ է լինելու 4 տարի հետո, թե՞ սպասում են պայմանագրով նշված ժամկետի վերջին 6 ամիսներին բանակցել՝ սահմանապահները գնան, թե մնան, Քոչարյանն արձագանքեց. «Իշխանությունների պատկերացումների մասին կարող եք ծանոթանալ կառավարության ծրագրում… Ինչ վերաբերում է նրան՝ ռուս սահմանապահները մնալու են, թե ոչ, իսկ որևէ մեկը գիտի՞ մնալու են, թե՞ չէ: Մեր սցենարների մեջ ամեն ինչ պետք է հաշվի առնել՝ և՛ մնալը, և՛ չմնալը: Պաշտպանության ռազմավարության նոր փաստաթղթի անհրաժեշտության շեմին ենք կանգնած»:
Մանրամասները՝ տեսանյութում:
