18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
Իշխանությունը ցույց է տալիս՝ դավաճանները, փախնողները շատ են եղել, չենք հաղթել. Տիգրան Աբրահամյան. ՏԵՍԱՆՅՈւԹ
Քաղաքականություն
18.02.2022 | 19:05
«Առաջին հերթին պետք է պարզել, թե զինծառայողներն ինչ հաստիքներ, ինչ պաշտոններ են զբաղեցրել և որտեղ են ծառայել, դրանից է կախված, թե նրանք ինչ կարևորության տեղեկատվության են տիրապետել, դա եղել է ծառայողական, գաղտնի, թե հույժ գաղտնի տեղկատվություն: Այս պահին քանի որ այդ մասին մանրամասներ հայտնի չեն, դժվար է գնահատել այդ մարդկանց արարքների հնարավոր ազդեցությունը մարտական գործողությունների վրա»,- այս մասին Factor.am-ի հետ զրույցում նշեց «Պատիվ ունեմ» խմբակցության պատգամավոր Տիգրան Աբրահամյանը՝ անդրադառնալով 44-օրյա պատերազմի ընթացքում նախկին և ներկա զինվորականների կողմից կատարված դավաճանության դեպքերի մասին ԱԱԾ հաղորդագրություններին և հարցին, թե դրանք ինչ չափով կարող էին ազդել պատերազմի ելքի վրա:
Պատգամավորի դիտարկմամբ՝ 44-օրյա պատերազմի խնդիրները չպետք է դիտարկել միայն դավաճանության մեջ մեղադրվող այդ մարդկանց արարքների համատեքստում: Աբրահամյանի խոսքով՝ ԱԱԾ-ն հաղորդագրություն է տարածել, բայց դեռևս ուժի մեջ մտած դատավճիռ չկա, և դժվար է ասել, թե ինչ մեղք են գործել, և դա ինչ ազդեցություն կարող էր գործել մարտական գործողությունների ժամանակ:
«Իշխանությունը փորձում է ուռճացնել իրավիճակը և ցույց է տալ, որ այնքան դավաճաններ, դասալիքներ ու փախնողներ են եղել, որ այդ իրավիճակում հաղթելու հնարավորություն չի եղել»,- ընդգծեց պատգամավորը:
Մանրամասները՝ տեսանյութում:
