12.01.2026 | 12:30
«Բրավո՛, Հայաստան»․ Քոնոր Մաքգրեգորը պատմել է իր երազանքի մասին
Օրվա սկզբից 20 գնդակոծություն է գրանցվել Դոնբասում
Քաղաքականություն
18.02.2022 | 15:34
Փետրվարի 18-ին Դոնբասում անջատողականներն արդեն 20 անգամ խախտել են «լռության» ռեժիմը։ Հրթիռակոծությունն իրականացվել է նաև Մինսկի համաձայնագրերով արգելված զենքերից։ Korrespondent-ի հաղորդմամբ՝ այս մասին հայտնում է Օպերատիվ շտաբի մամուլի կենտրոնը։
«Այսօր առավոտյան ժամը 9-ի դրությամբ՝ ռուսական օկուպացիոն զորքերի կողմից արձանագրվել է հրադադարի ռեժիմի խախտման 20 դեպք, որից 15-ը՝ մինսկյան պայմանագրերով արգելված զենքի կիրառմամբ»,- ասվում է զեկույցում։
Գնդակոծության ժամանակ օգտագործվել են 122 մմ տրամաչափի հրետանային համակարգեր, 120 մմ և 82 մմ տրամաչափի ականանետներ, տարբեր համակարգերի նռնականետներ, հետևակի մարտական մեքենայի սպառազինություն և ծանր գնդացիրներ։
«Իրավիճակի ամբողջ ցինիզմը նրանում է, որ հակառակորդը հրետանային կրակ է բացում բնակեցված վայրերից և իր հրետանային համակարգերը տեղակայում է բնակելի շենքերի մոտ»,- ասել են Օպերատիվ շտաբից:
Տեղեկացվում է, որ հրթիռակոծությունների հետևանքով միավորված ուժերի զինծառայողների շրջանում կորուստներ չկան։
Տաթև Ֆռանգյան
