10.10.2026 | 12:14
Երևանի Կենտրոնում ազոտի երկօքսիդի պարունակությունը 4 օր գերազանցել է թույլատրելի սահմանը
Հունաստանի ափերի մոտ լաստանավ է այրվել, որում 288 ուղևոր է եղել
Քաղաքականություն
18.02.2022 | 15:43
Հունաստանում՝ Հոնիական ծովի Էրիկուս կղզու մոտ, գիշերն այրվել է իտալական Euroferry Olympia լաստանավը, որում եղել է 288 ուղևոր։ Այս մասին հայտնում է korrespondent-ը՝ վկայակոչելով AMNA գործակալությունը։
Հրդեհը սկսվել է հունական Էրիկուս կղզու մոտ գտնվող Իգումենիցայից լաստանավի մեկնելուց հետո։ Հունաստանի ռազմածովային ուժերի երեք նավ և Իտալիայի ու Հունաստանի առափնյա պահպանության նավերը հասել են պատահարի վայր։
Նշվում է, որ մարդկանց կյանքին վտանգ չի սպառնում. շնչառական խնդիրներ ունեցող ուղևորներից մեկը տեղափոխվել է Կորֆուի հիվանդանոց։
Նավապետի խոսքով՝ լաստանավում 288 ուղևոր է եղել, այն նաև 25 մեքենա և 153 բեռնատար է տեղափոխել։
Տաթև Ֆռանգյան
