26.03.2026 | 10:28
Հալաբյան փողոցում ավտոբուսի անիվներից ծուխ է նկատվել․ տուժածներ չկան
Զելենսկին ՌԴ-ից և ԱՄՆ-ից Ուկրաինայի համար անվտանգության երաշխիքներ է պահանջել
Քաղաքականություն
17.02.2022 | 21:03
Ուկրաինայի նախագահ Վլադիմիր Զելենսկին «ՌԲԿ Ուկրաինա»-ին տված հարցազրույցում հայտարարել է, որ Կիևը պետք է ստանա երաշխիքների համակարգ, որը չի զիջի նրան, ինչը երկրներին առաջարկում է ՆԱՏՕ-ն։ Նա դա կապել է դաշինքին Ուկրաինայի միանալու ձգձգման հետ։
«ՆԱՏՕ-ն, փաստացի, այսօր գոյություն ունեցող անվտանգության դաշինքներից միակն է, որին կարող է միանալ Ուկրաինան։ Այնտեղ մեզ համար բաց դռների դիրքորոշում կա։ Բայց այս ճանապարհին մեծ տարածություն կա՝ տարիներ և ամիսներ, հատկապես, եթե կա սրացում։ Անցնելով այս ճանապարհը՝ մենք պետք է ձեռք բերենք երաշխիքների համակարգ։ Եվ գոնե տեսականորեն այն չպետք է զիջի այն համակարգին, որն առաջարկվում է ՆԱՏՕ-ի երկրներին»,- ասել է Զելենսկին։
Նա ընդգծել է, որ «դա ստեղծված իրավիճակի միակ այլընտրանքն է, երբ մենք պաշտպանում ենք ինքներս մեզ»։
Զելենսկին նշել է, որ Ուկրաինայի համար ամրագրված երաշխիքներով փաստաթուղթ պետք է ստորագրվի Ռուսաստանի և ԱՄՆ-ի կողմից։
«Նորմանդական ձևաչափից մենք չենք առանձնանում, և ոչ ոք չի առանձնանում։ Աշխարհի ամենաուժեղները, այդ թվում՝ Միացյալ Նահանգներն ու Ռուսաստանը, կնստեն ու կստորագրեն, որ կա նման ճանապարհ։ Բայց այնտեղ պետք է լինի 3-4-5 կետ մեր երկրի անվտանգության մասին»,- հայտարարել է Ուկրաինայի նախագահը։
Էմմա Չոբանյան
