16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Ռուսաստանը փորձում է ներխուժման պատրվակ ստեղծել․ ՆԱՏՕ-ն՝ Դոնբասում կրակոցների մասին
Քաղաքականություն
17.02.2022 | 19:29
Հյուսիսատլանտյան դաշինքի գլխավոր քարտուղար Յենս Ստոլտենբերգը հայտարարել է, որ Դաշինքն անհանգստացած է Ուկրաինա լայնամասշտաբ ներխուժման համար պատրվակ ստեղծելու՝ Ռուսաստանի փորձից։ Unian-ի փոխանցմամբ՝ այս մասին Ստոլտենբերգը հայտնել է Բրյուսելում Դաշինքի պաշտպանության նախարարների երկօրյա նիստից հետո հրավիրված ճեպազրույցի ժամանակ։
«Չնայած Մոսկվայի պնդումներին՝ մենք դեռևս չենք տեսել դուրս գալու կամ ապաէսկալացիայի նշաններ։ Ընդհակառակը, թվում է, որ Ռուսաստանի կողմից ուժերի կուտակումը շարունակվում է։ Մենք շարունակում ենք շատ ուշադիր հետևել զարգացումներին։ Կոչ ենք անում Ռուսաստանին անել այն, ինչ ասում է, և դուրս բերել ուժերը Ուկրաինայի սահմանների մոտակայքից։ Սա կլինի առաջին կարեւոր քայլը խաղաղ քաղաքական լուծման ճանապարհին»,- ասել է Ստոլտենբերգը։
Նա նաև նշել է, որ անցած աշնանից ի վեր Ռուսաստանը երկար ամիսներ շարունակ ուժեր է կուտակում Ուկրաինայի սահմանների մոտ, ասել է նա:
Տաթև Ֆռանգյան
