29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
ԱՄՆ-ը ստացել է ՌԴ-ի պատասխանն անվտանգության երաշխիքների վերաբերյալ
Քաղաքականություն
17.02.2022 | 18:51
ԱՄՆ-ն այսօր ստացել է Ռուսաստանի պատասխանը երեք շաբաթ առաջ ԱՄՆ-ի կողմից ստացած գրավոր փաստաթղթին։ CNN-ի փոխանցմամբ՝ այս մասին հայտնել է ԱՄՆ Պետքարտուղարության բարձրաստիճան պաշտոնյան։
«Մենք կարող ենք հաստատել, որ պատասխան ենք ստացել Ռուսաստանի Դաշնությունից: Այն այսօր Մոսկվայում հանձնվել է դեսպան Սալիվանին»,- ասել է պաշտոնյան:
Ռուսաստանի արտգործնախարար Սերգեյ Լավրովն այսօր ավելի վաղ ասել էր, որ Մոսկվան իր պատասխանն ԱՄՆ-ին կուղարկի անվտանգության երաշխիքների վերաբերյալ հենց այսօր՝ իտալացի գործընկերոջ հետ հանդիպումից հետո։ Լավրովը հայտնել էր նաև, որ Մոսկվան կհրապարակի նամակը։
ԱՄՆ պետքարտուղար Էնթոնի Բլինքենն ավելի վաղ հայտարարել էր, որ գրավոր փաստաթուղթը, որն ԱՄՆ-ը փոխանցել է Ռուսաստանին, «լուրջ դիվանագիտական ճանապարհ է առաջարկել, եթե Ռուսաստանն այն ընտրի»:
Տաթև Ֆռանգյան
