29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Զելենսկին ԵՄ-ին հայտնել է Դոնբասում իրավիճակի սրման մասին․ ԵՄ-ն ուշադիր հետևում է իրավիճակի զարգացմանը
Քաղաքականություն
17.02.2022 | 19:17
Ուկրաինայի նախագահ Վլադիմիր Զելենսկին այսօր Եվրոպական խորհրդի նախագահ Շառլ Միշելին տեղեկացրել է Դոնբասում տիրող իրավիճակի մասին, գրում է Korrespondent-ը։
«Մարիուպոլից ես զրույց ունեցա Եվրոպական խորհրդի նախագահ Շառլ Միշելի հետ։ Նրան տեղեկացրեցի անվտանգության իրավիճակի և այսօրվա սադրիչ հրետակոծությունների մասին, մասնավորապես՝ Ստանիցա Լուգանսկայի ուղղությամբ։ Նրան շնորհակալություն հայտնեցի՝ Ուկրաինային աջակցելու դոնորների համաժողով անցկացնելու նախաձեռնության համար»,- Twitter-ում գրել է Զելենսկին։
Reuters-ի հաղորդմամբ՝ ԵՄ-ում հայտարարել են, որ համակ ուշադրությամբ հետևում են Դոնբասում իրավիճակին։ Նշվում է նաև, որ ԵՄ առաջնորդների հանդիպմանը չեն քննարկի Ռուսաստանի դեմ նոր կոնկրետ պատժամիջոցները, քանի որ այս հարցը տարաձայնություններ է հարուցում։
«Պատժամիջոցների պատճառը քաղաքական գնահատականի հարց է: Մենք դեռ չենք մտնում այս քննարկման մեջ: Մենք ուշադիր հետևում ենք Դոնբասի հրետակոծության հետ կապված իրավիճակին, գիտենք, որ դա կարող է օգտագործվել որպես փորձ կամ արդարացում»,- ասել է ԵՄ ներկայացուցիչը։
Նրա խոսքով՝ ոչ պաշտոնական գագաթնաժողովը նվիրված կլինի Ֆրանսիայի և Գերմանիայի նախագահների զեկույցին՝ ՌԴ նախագահ Վլադիմիր Պուտինի հետ բանակցությունների վերաբերյալ։
Տաթև Ֆռանգյան
