08.06.2026 | 22:11
Հայաստանի ժողովուրդը քվեարկել է հանուն խաղաղության. ԵԽ նախագահը և Փաշինյանը հեռախոսազրույց են ունեցել
Կամարիսի թռչնանոցում հրդեհի հետևանքով անկել է շուրջ 650 թռչուն
17.02.2022 | 14:19
Ինչպես ավելի վաղ տեղեկացրել էինք, որ փետրվարի 17-ին՝ ժամը 06:47-ին, Կոտայքի մարզային ճգնաժամային կառավարման կենտրոն ահազանգ է ստացվել, որ Կամարիս գյուղի վերջնամասում այրվում է անասնագոմի տանիք. ներսում կան խոշոր եղջերավոր կենդանիներ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հայտարարվել է հրդեհի բարդության Թիվ 2 կանչ․ դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ։
Պարզվել է, որ հրդեհը բռնկվել է Կամարիս գյուղի «Բիո Կամարիս» ՍՊԸ-ին պատկանող թռչնանոցում։
Հրդեհը մեկուսացվել է ժամը 08։27-ին, մարվել՝ 09։55-ին։ Այրվել են թռչնանոցի տանիքի փայտե կառուցատարրերը և առաստաղը (մոտ 500 քմ), կենցաղային իրեր և տեխնիկական սարքավորումներ, անկել է մոտ 650 թև թռչուն։
