06.10.2026 | 13:49
Հոկտեմբերի 6-ի երեկոյան և 7-ի գիշերը առանձին շրջաններում սպասվում են հորդառատ անձրևներ
Ընդդիմության վարկանիշն ընկնում է. Քոչարյանը` փողոց դուրս գալու մասին․ ՏԵՍԱՆՅՈՒԹ
Քաղաքականություն
17.02.2022 | 12:50
«Դեռ չի հասունացել այն պահը, երբ ընդդիմությունը կկարողանա մեծ զանգվածներ փողոց հանել, բողոքի ակցիաներ անել»,- այսօր հրավիրված մամուլի ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանը՝ անդրադառնալով հարցին, թե ի՞նչ ազդակի է սպասում ընդդիմությունը, որպեսզի ակտիվանա։
«Այս իշխանության նկատմամբ ծայրահեղ վատ վերաբերմունք ունեցողների թիվը շեշտակի աճել է: Այո, ընդդիմության վարկանիշն էլ է ընկնում զուգահեռ։ Բայց մեզանից հիասթափվողն այս իշխանության ֆանատը չի դառնալու, և մեզանից հիասթափվում են նրանք, ովքեր մեզնից ռադիկալ քայլեր են սպասում»,-ասում է Քոչարյանը։
Նրա խոսքով` առանց փողոցային պայքարի, այս իշխանությունը չի գնալու, պետք է բավարար զանգված, որը փողոց դուրս կգա, և ոչ թե պահանջի, որ Քոչարյանը կամ մեկ այլ անձ իշխանության գա, այլ որ ներկա իշխանությունը հեռանա։
Քոչարյանը նշեց, որ ըստ ամերիկյան կազմակերպության հարցումների` Երևանի բնակիչների 42 տոկոսը ծայրահեղ դժգոհ է ներկայիս իշխանությունից և 14 տոկոսն է կողմ։ «Սա մի փոքր քաղաքական ռումբ է այս իշխանության համար Երևանում»,- ասաց Քոչարյանը:
Ըստ նրա, պրոցեսը գնում է այդ ուղղությամբ, և ընդդիմությունը պետք է կարողանա ճիշտ պահը բաց չթողնել, շատ առաջ չընկնել։
Մանրամասները՝ տեսանյութում:
