20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Լուկաշենկոն ասել է այն, ինչ ուրիշները մտածում են, բոլորը մեր մասին այդպես են մտածում. Ռոբերտ Քոչարյան․ ՏԵՍԱՆՅՈՒԹ
Քաղաքականություն
17.02.2022 | 11:45
ՀՀ երկրորդ նախագահ Ռոբերտ Քոչարյանն այսօր մամուլի ասուլիս ժամանակ անդրադարձավ Բելառուսի նախագահ Ալեքսանդր Լուկաշենկոյի հարցազրույցին, որտեղ նա հայտարարություն էր արել Հայաստանի մասին:
«Լուկաշենկոյի հարցազրույցը, չեմ կարծում, որ որպես առաջարկ պետք է ընդունել: Միգուցե սկսեմ միանգամից Լուկաշենկոյից: Իրեն լավ եմ ճանաչում, կարելի է նրան ընդունել կամ չընդունել, հարգել կամ չհարգել, բայց մի բան փաստ է, նա ասում է այն, ինչ մտածում է։
Միշտ չէ, որ պետության ղեկավարը պետք է ասի այն, ինչ մտածում է, բայց ինքը ասում է այն, ինչ մտածում է։ Ինձ համար անհասկանալի է այն բուռն արձագանքը, որը Հայաստանում տեղի ունեցավ իշխանական թիմի կողմից։ Այն, ինչ ասում էր Լուկաշեկոն, հնարավոր չէ համեմատել այն ամենի հետ, ինչ Հայաստանի վերաբերյալ ասում էր Ալիևը, 0 արձագանք Հայաստանի կողմից։ Ինչի՞ են աքլորացել Լուկաշենկոյի պարագայում․․․ Իհարկե, չպետք է այդ տոնով ասեր, որոշակի կոռեկտություն պետք է պահեր: Բայց պետք է իմանանք հետևյալը՝ Լուկաշենկոն ասել է այն, ինչ ուրիշները մտածում են. բոլորը մեր մասին այդպես են մտածում»,- նշեց Քոչարյանը։
Մանրամասները՝ տեսանյութում:
