20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Իհարկե, պետք է մնալ ՀԱՊԿ-ում. Ռոբերտ Քոչարյան․ ՏԵՍԱՆՅՈՒԹ
Քաղաքականություն
17.02.2022 | 11:25
Անվտանգության հարցերում 3 հիմնական բաղադրիչ կա` ՀՀ զինված ուժերը, ՀԱՊԿ–ը և երկկողմ հարաբերությունները ՌԴ–ի հետ։ ՀԱՊԿ–ի հետ էլ անվտանգային առումով նույնպես պետք չէ հույսեր կապել։ Այսօր հրավիրված ասուլիսի ժամանակ նման հայտարարություն արեց ՀՀ երկրորդ նախագահ Ռոբերտ Քոչարյանը` խոսելով ՀՀ անվտանգային հարցերից։
Նրա խոսքով` մեր բանակն այսօր ի վիճակի չէ ինքնուրույն պաշտպանել ՀՀ սահմաններն ու անվտանգությունը. պատերազմից հետո բանակի մարտունակությունը և սպառազինությունը վերականգնելու ուղղությամբ չի արվել գրեթե ոչինչ։
Ինչ վերաբերում է ՀԱՊԿ–ին, Քոչարյանի դիտարկմամբ՝ Թուրքիայի և Ադրբեջանի հետ ՀԱՊԿ անդամ երկրներն ունեն ավելի ջերմ ու ծավալուն հարաբերություններ։ «Ավելին` երկրների ղեկավարների մակարդակով էլ ջերմ հարաբերություններ կան։ Մտածել, որ որևէ կերպ ՀԱՊԿ–ը կարող էր արձագանքել մեզ վրա հարձակման դեպքում, միամտություն է… Խոսքը նրա մասին չէ, որ ՀԱՊԿ-ը մեռած կառույց է, չի աշխատում։ Լավ էլ աշխատում է այնտեղ, որտեղ բոլորի շահերը համընկնում է և աշխատեց՝ Ղազախստանի պարագայում։ Սա փաստ է և մենք ուղղակի պետք է այս փաստի հետ հաշվի նստենք»,- նշեց Ռոբերտ Քոչարյանը:
Նրա խոսքով` իհարկե, պետք է մնալ ՀԱՊԿ–ի կազմում, բայց անվտանգության տեսանկյունից այս կառույցի հետ հույսեր չկապել: «Կրկնում եմ՝ մնալ, համագործակցել, բայց անվտանգության տեսանկյունից հույսեր չկապել։ Բացի հայտարարություններից՝ ոչինչ չի լինելու»,- ընդգծեց Քոչարյանը։
Մանրամասները՝ տեսանյութում:
