10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Տոկաևը հանձնարարել է բարձրացնել Ղազախստանի պաշտպանունակությունը
Քաղաքականություն
17.02.2022 | 17:01
Ղազախստանի նախագահ Կասիմ-Ժոմարտ Տոկաևը հինգշաբթի օրը հանդիպում է ունեցել պաշտպանության նախարար Ռուսլան Ժակսիլիկովի հետ, որի ընթացքում նրան հանձնարարել է բարելավել երկրի պաշտպանունակությունը։ Այս մասին, ՏԱՍՍ-ի հաղորդմամբ՝ հայտնում է պետության ղեկավարի մամուլի ծառայությունը։
«Նախագահը նշել է զինված ուժերի համակողմանի և համակարգված զարգացումն ապահովելու և նրանց մարտունակությունը անհրաժեշտ մակարդակում պահպանելու անհրաժեշտությունը, ինչպես նաև տվել է մի շարք հանձնարարականներ՝ ուղղված երկրի պաշտպանունակության հետագա բարձրացմանը»,- ասված է հաղորդագրությունում։
Իր հերթին Ժակսիլիկովը Տոկաևին պատմել է «Ապահով երկիր» ազգային նախագծի իրականացման և պետության ղեկավարի հանձնարարականների կատարման մասին՝ բարելավելու զինված ուժերի կառուցվածքը, կազմը և զորքերի պատրաստումը, թվայնացման հետագա ներդրման և այլ բարեփոխումների մասին։
Բացի այդ, նախագահին զեկուցվել են պետության ռազմական անվտանգության ապահովման խնդիրների լուծման արդյունավետության բարձրացմանն ուղղված միջոցառումների մասին, այդ թվում՝ Հատուկ գործողությունների ուժերի կազմավորման շրջանակում։
Տաթև Ֆռանգյան
