16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Տաջիկստանը պատրաստ է Աֆղանստանի հետ սահմանին իրավիճակի ցանկացած զարգացման
Քաղաքականություն
16.02.2022 | 18:11
Տաջիկստանը պատրաստ է Աֆղանստանի հետ սահմանին իրավիճակի ցանկացած զարգացման, բայց այս պահին իրադրությունը հանգիստ է և վերահսկելի։ Այս մասին ՏԱՍՍ-ին հայտնել է ուժային կառույցների աղբյուրը՝ մեկնաբանելով Քարի Ֆասիհուդդին Ֆիթրաթի խոսքերը, ում «Թալիբան» շարժումը նշանակել է երկրի ԶՈՒ Գլխավոր շտաբի պետի պաշտոնում։
«Տաջիկստանի զինվորականները պատրաստ են Աֆղանստանի հետ սահմանին ցանկացած սցենար մշակել»,- ասել է նա։
Զրուցակիցը, միաժամանակ, հավելել է, որ իրավիճակը տաջիկ-աֆղանական սահմանին վերահսկվում է, և դժվար թե թույլ տրվի դրա սրումը։ Աղբյուրը նշել է նաև, որ սպառնալիքի դեպքում տաջիկական կողմը պատասխան քայլեր կձեռնարկի։ Նրա կարծիքով՝ աֆղան հրամանատարի տեղեկությունները, ամենայն հավանականությամբ, սադրիչ բնույթ են կրում։
Ավելի վաղ ԶԼՄ-ներում հայտնվել էին Ֆիթրաթի խոսքերը թալիբների ստորաբաժանումները Աֆղանստանի հյուսիս-արևելք տեղափոխելու մասին՝ «սահմանները պաշտպանելու համար»։ Միաժամանակ, նա չի նշել երկիրը, որտեղից, իր կարծիքով, կարող է սպառնալիք բխել։
Կենտրոնական Ասիայի երկրներից Տաջիկստանն ունի ամենաերկար սահմանը Աֆղանստանի հետ՝ 1344 կմ, որի մեծ մասն անցնում է Փյանջ գետով, մյուս մասը՝ լեռնային տեղանքով։ Աֆղանստանի չորս հյուսիսարևելյան նահանգները սահմանակից են Տաջիկստանին՝ Բադախշանը, Թախորը, Քունդուզը և Բալխը:
Տաթև Ֆռանգյան
