18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Էրդողանը հայտնել է Պուտինի հետ հեռախոսազրույց ունենալու ցանկության մասին
Քաղաքականություն
16.02.2022 | 17:40
Թուրքիայի նախագահ Ռեջեփ Թայիփ Էրդողանը հայտարարել է, որ հեռախոսազրույց կունենա ՌԴ նախագահ Վլադիմիր Պուտինի հետ՝ Թուրքիայի, Ռուսաստանի և Ուկրաինայի նախագահների մասնակցությամբ եռակողմ հանդիպում անցկացնելու գաղափարի վերաբերյալ նրա դիրքորոշումը պարզելու համար, գրում է «Անադոլու» գործակալությունը։
ԱՄԷ-ից Անկարա վերադառնալիս Էրդողանը լրագրողների հետ զրույցում կողմ է արտահայտվել սևծովյան տարածաշրջանում լարվածության շուտափույթ նվազեցմանը։ Նա նշել է, որ Ուկրաինայի նախագահը պաշտպանում է Պուտին-Զելենսկի-Էրդողան եռակողմ հանդիպման անցկացման գաղափարը։
«Եթե Պուտինը սատարի առաջարկը, ապա հանդիպումը կարող է տեղի ունենալ Ստամբուլում կամ Անկարայում»,- ասել է Թուրքիայի ղեկավարը։
Էրդողանի խոսքով՝ Անկարան եռակողմ հանդիպման գաղափարի շուրջ իր հետագա քայլերում ելնելու է Վլադիմիր Պուտինի հետ զրույցի արդյունքներից։
Թուրքիայի ղեկավարն ընդգծել է, որ Կիևի և Մոսկվայի միջև հարաբերությունների ճգնաժամը պետք է լուծվի խաղաղ և դիվանագիտական ճանապարհով, և Թուրքիան պատրաստ է իրագործելի ներդրում ունենալ այդ ուղղությամբ։
Տաթև Ֆռանգյան
