21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
ՆԱՏՕ-ն անվտանգության իր առաջարկներն է ուղարկել ՌԴ-ին և սպասում է պատասխանի․ Ստոլտենբերգ
Քաղաքականություն
16.02.2022 | 15:07
ՆԱՏՕ-ն սպասում է Ռուսաստանի պատասխանին անվտանգության իր առաջարկների վերաբերյալ և պատրաստ է շարունակել երկխոսությունը։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը Դաշինքի պաշտպանության նախարարների երկօրյա նիստի մեկնարկից առաջ, գրում է ՌԻԱ Նովոստին։
«Մենք Մոսկվայից լավատեսություն ներշնչող ազդակներ ենք լսել դիվանագիտական ջանքերի շարունակման մասին։ Դա այն է, ինչի մասին ՆԱՏՕ-ն մշտապես կոչ է անում։ Մենք պատրաստ ենք երկխոսության։ Մենք Ռուսաստանին անվտանգության մեր առաջարկներն ենք ուղարկել և սպասում ենք պատասխանի, ինչպես նաև երկխոսության պատրաստակամություն ենք հայտնում»,- ասել է Ստոլտենբերգը։
Նախօրեին էլ նա հայտարարել է, որ Ռուսաստանի կողմից ինքնահռչակ Դոնեցկի և Լուգանսկի ժողովրդական հանրապետությունների ճանաչումը, եթե դա տեղի ունենա, կլինի Ուկրաինայի տարածքային ամբողջականության և ինքնիշխանության հերթական կոպտագույն խախտումը, ինչպես նաև դա կխախտի Մինսկի համաձայնությունները։
Էմմա Չոբանյան
