18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Ադրբեջանը պնդում է՝ դարերի ժառանգությունը, որն Արցախում է, հայկական չէ․ Գայանե Աբրահամյան․ ՏԵՍԱՆՅՈՒԹ
Քաղաքականություն
16.02.2022 | 14:07
«Թեպետ արդեն Հաագայի դատարանի միջանկյալ վճիռ ունենք, որն Ադրբեջանին պարտավորեցնում է բացառել մշակութային ժառանգության հուշարձանների նկատմամբ որևէ վանդալիզմի գործողություն, ձևախեղում և յուրացում, սակայն տեսնում ենք, որ Ադրբեջանը շատ ավելի սանձարձակ գործողությունների է անցնում»,- այս մասին, այսօր՝ փետրվարի 16-ին, Երևանում ՄԱԿ-ի գրասենյակի դիմաց Արցախում հայկական ժառանգության պահպանման պահանջով բողոքի ակցիայի ժամանակ լրագրողների հետ զրույցում ասաց ակցիայի կազմակերպիչներից «Հանուն հավասար իրավունքների կրթական կենտրոնի» ներկայացուցիչ, ԱԺ նախկին պատգամավոր Գայանե Աբրահամյանը։
«Ադրբեջանը պնդում է՝ դարերի ժառանգությունը, որն Արցախում է, հայկական չէ, ինչը լկտի սուտ է, բայց իրենք տասնամյակներ շարունակ գործողություններ են անում այդ սուտն առաջ մղելու համար, ես մտավախություն ունեմ, որ մի օր կարող է որևէ կերպ չկարողանանք դրան հակազդել:
Եթե այսօր սրա դեմ չպայքարեցինք, ապա մենք կորցնելու ենք Արցախի հայկակականությունը, որովհետև ադրբեջանցիներն ուզում են Արցախի հայկականության հետքը ջնջել»,- նշեց Աբարհամյանը:
Մանրամասները՝ տեսանյութում:
