13.12.2024 | 12:34
Մոլդովայի խորհրդարանը երկրում արտակարգ դրություն է հայտարարել Էներգետիկ ճգնաժամի պատճառով
Սա պատմական քայլ է լինելու, մեր երկրի մեծ մասը բռնազավթված է. Դավիթ Բաբայան․ ՏԵՍԱՆՅՈՒԹ
Քաղաքականություն
16.02.2022 | 12:16
Արցախի Ազգային ժողովն այսօր արտահերթ նիստ է հրավիրել․օրակարգում «Բռնազավթված տարածքների մասին» օրենքի նախագիծն է: Նախագիծը երեկ՝ փետրվարի 15-ին դրական եզրակացություն էր ստացել Պետաիրավական հարցերի հանձնաժողովի նիստում։
Նշենք, որ օրինագծով սահմանվում է 1991-1994 և 2016 թվականներին Ադրբեջանի Հանրապետության և 2020 թվականին Թուրքիայի Հանրապետության և օտարերկրյա զինյալ ահաբեկիչների անմիջական մասնակցությամբ Ադրբեջանի Հանրապետության կողմից Արցախի Հանրապետության դեմ իրականացված ռազմական ագրեսիայի հետևանքով բռնազավթված տարածքների իրավական կարգավիճակի ու դրանց վրա տարածվող իրավական հատուկ ռեժիմի, պետական կառավարման և տեղական ինքնակառավարման մարմինների, կազմակերպությունների գործունեության առանձնահատկությունների, մարդու և քաղաքացու իրավունքների և ազատությունների, ինչպես նաև իրավաբանական անձանց իրավունքների և շահերի պահպանության ու պաշտպանության հետ կապված հարաբերությունները։
Արցախի Հանրապետության արտաքին գործերի նախարար Դավիթ Բաբայանն այս օրենքի ընդունումը շատ կարևոր համարելով՝ նշեց. «Ինչ-որ տեղ սա նաև հրամայական է, միգուցե ուշացել ենք: Պետք է և շատ կարևոր է ունենալ այսպիսի օրենք: Մեր երկրի մեծ մասը բռնագրավված է, և մենք պարտավոր ենք ունենալ այս օրենքը: Այն իր մեջ ներառում է Արցախի հանրապետության իշխանությունների, հանրության տեսլականը՝ իր անցյալի, ներկայի և ապագայի վերաբերյալ»,- նշեց Բաբայանը հույս հայտնելով, որ Արցախի ԱԺ-ն կընդունի այդ օրենքը:
«Կարծում եմ սա իսկապես պատմական մի քայլ է լինելու և ոչ այնքան այսօրվա, որքան ապագայի համար»,- ընդգծեց Բաբայանը:
Մանրամասները՝ տեսանյութում:
