01.11.2024 | 23:19
Հրդեհ Գյումրու տներից մեկում
Սնունդը 1 ամսում թանկացել է 4 %-ով․ ամենամեծ գնաճը եղել է Գավառում ու Հրազդանում
Տնտեսություն
15.02.2022 | 23:14
Հայաստանում գները շարունակում են աճել։ Այս տարվա հունվարին նախորդ տարվա դեկտեմբերի համեմատ սպառողական գներն աճել են 1․6 %-ով։ Սա բոլոր ոլորտներում առկա գնաճի միջինացված թիվն է։ Իսկ միայն սննդամթերքը դեկտեմբերի համեմատ թանկացել է 4 %-ով։ Այս մասին Factor.am-ը տեղեկանում է վիճակագրական Կոմիտեի հրապարակած տվյալներից։
Նշենք, որ Կոմիտեն այս ամիս սպառողական գների ինդեքսի հրապարակման ձևաչափում փոփոխություններ է կատարել՝ արտացոլելով նաև տվյալներն ըստ քաղաքների։
Այսպիսով՝ սննդամթերքի թանկացումն ամենանկատելին է եղել Գավառում 5.1 %, Հրազդանում՝ 4․7 % և Վանաձորում՝ 4,5 %։
Համեմատելով այս տարվա հունվարը նախորդ տարվա նույն ամսվա հետ՝ սպառողական գների ինդեքսը 1 տարում աճել է 7․1 %-ով, իսկ միայն սննդամթերքը թանկացել է 12․5 %-ով։ 1 տարում առավել շատ թանկացել է ձուկն ու ծովամթերքը՝ մսամթերքը՝ 31․8 %-ով, խոզի միսը՝ 34․6 %-ով, բանջարեղենը՝ 36․8 %-ով, կարտոֆիլը՝ 67․4 %-ով, շաքարը՝ 18․8 %-ով, ալկոհոլային խմիչքները՝ 7․8 %-ով, ծխախոտը՝ 10․9 %-ով։
Ըստ ներկայացված տվյալների՝ հագուստն ու կոշիկը 1 տարում թանկացել են 10․8 %-ով, Բնակարանային ծառայությունները՝ ջուր, էլեկտրաէներգիա, գազ և վառելիքի այլ տեսակները՝ 2․8 %-ով, տնային գործածության առարկաները՝ 6 %-ով,
Անժելա Պողոսյան
