16.01.2025 | 20:00
ԱՄՆ-ի նոր վարչակազմը Ալիևին պատժամիջոցների ուղերձ պիտի տա՝ ՀՀ-ի դեմ հարձակումը կանխելու համար․ Տիգրան Գրիգորյան․ ՏԵՍԱՆՅՈՒԹ
Զինաթափել են վեճի մասնակիցներին, առգրավել զենք-զինամթերքը. Վանաձորի ոստիկանների բացահայտումը․ ՏԵՍԱՆՅՈւԹ
Հասարակություն
15.02.2022 | 19:52
Փետրվարի 11-ին, ժամը 14-ի սահմաններում, ոստիկանության Տարոնի բաժնում տեղեկություններ ստացվեցին, որ Վանաձորի Մյասնիկյան փողոցի շենքերից մեկի մոտ տղամարդիկ են հավաքվել և պատրաստվում են վիճել: Ստացված տեղեկությունների համաձայն՝ նրանք զինված էին, ապօրինի զենք-զինամթերք կար նաև նրանց «ՎԱԶ-21010» մակնիշի մեքենայում:
Րոպեներ անց նշված հասցեից, մեքենայով հանդերձ, ոստիկանության Տարոնի բաժին բերման ենթարկվեց հինգ անձ, որոնցից մեկը՝ մայրաքաղաքի, չորսը՝ Վանաձորի բնակիչներ:
Վանաձորցիներից երկուսի անձնական խուզարկությամբ հայտնաբերվեցին «ՏՏ» տիպի ատրճանակ՝ լիցքավորված 7 փամփուշտով, ծալովի դանակ, ատրճանակի պահունակ՝ լիցքավորված 6 փամփուշտով և 3 փամփուշտ:
Մեքենայի զննությամբ ոստիկանները հայտնաբերեցին գործարանային համարը ջնջված «Մակարով» տիպի ատրճանակ՝ լիցքավորված 6 փամփուշտով:
Ապօրինի զենք-զինամթերքն առգրավվել է։ Նշանակվել են փորձաքննություններ: Հանգամանքները պարզվում են։
