05.02.2026 | 17:03
«Քաղբանտարկյալների և նրանց խախտված իրավունքների մասին» ԱԺ հայտարարության տեքստը չընդունվեց․ ՏԵՍԱՆՅՈՒԹ
ԵՄ-ից հայտնել են Մոսկվայի կողմից Դոնեցկի և Լուգանսկի հանրապետությունների ճանաչման հետևանքների մասին
Քաղաքականություն
15.02.2022 | 17:29
Ուկրաինայում ԵՄ պատվիրակության ղեկավար Մաթի Մաասիկասը հայտարարել է, որ եթե Ռուսաստանը ճանաչի ինքնահռչակ Դոնեցկի և Լուգանսկի ժողովրդական հանրապետությունների անկախությունը, ապա Ուկրաինայի նկատմամբ նոր տարածքային պահանջներ կառաջանան։ Այս մասին նա գրել է Twitter-ում։
Այսպիսով նա մեկնաբանել է այսօր Ռուսաստանի Պետդումայի կողմից նախագահ Վլադիմիր Պուտինին ուղղված դիմումը՝ ինքնահռչակ Դոնեցկի և Լուգանսկի ժողովրդական հանրապետությունները ճանաչելու խնդրանքով։
«Պաշտոնական գրանցման դեպքում Ուկրաինայի նկատմամբ լրացուցիչ տարածքային պահանջներ կառաջանան»,- գրել է Մաասիկասը։
Ավելի վաղ հաղորդել էինք, որ ՌԴ Պետդուման այսօր քննարկել է Դոնեցկի և Լուգանսկի ժողովրդական հանրապետությունների ճանաչման վերաբերյալ երկու փաստաթուղթ։ Նրանցից մեկը, որը ներկայացվել է «Եդինայա Ռոսիա» կուսակցության կողմից, նախնական խորհրդակցություններ էր նախատեսում ՌԴ ԱԳՆ-ի հետ, սակայն Կոմունիստական կուսակցության խմբակցության բանաձևի նախագիծը ավելի շատ ձայներ է հավաքել, որը նախատեսում է Պետդումայի կողմից անհապաղ դիմում ՌԴ նախագահին։
Տաթև Ֆռանգյան
