18.12.2025 | 23:24
ՀՀ տարածքում ավտոճանապարհները հիմնականում անցանելի են
Մոսկվայում մեկնարկել են Գերմանիայի կանցլեր Շոլցի և ՌԴ նախագահ Պուտինի բանակցությունները
Քաղաքականություն
15.02.2022 | 17:45
Մոսկվայում մեկնարկել են Գերմանիայի կանցլեր Օլաֆ Շոլցի և ՌԴ նախագահ Վլադիմիր Պուտինի բանակցությունները։ Շոլցը Մոսկվա է ժամանել նախօրեին Կիև կատարած այցից հետո՝ հույս ունենալով կարգավորել Ուկրաինա ռուսական ներխուժման սպառնալիքի հետ կապված ճգնաժամը: Սա Շոլցի առաջին հանդիպումն է Պուտինի հետ՝ 2021 թվականի վերջին Գերմանիայի կանցլերի պաշտոնը ստանձնելուց հետո, գրում է DW-ի ռուսական ծառայությունը։
Պուտինի հետ հանդիպման մեկնարկին Շոլցն ասել է, որ ուրախ է հակամարտությունը կարգավորելու համար անձնական հանդիպման հնարավորության համար։ Նա ընդգծել է պետությունների միջև հարաբերությունները երկխոսության միջոցով կարգավորելու կարևորությունը։
Մինչդեռ Կրեմլը հայտնել է, որ բանակցությունները կկենտրոնանան «երկկողմ և միջազգային օրակարգի արդի թեմաների վրա, ներառյալ՝ Ռուսաստանի Դաշնության համար երկարաժամկետ, օրինականորեն ամրագրված անվտանգության երաշխիքների և ներուկրաինական հակամարտության կարգավորման հետ կապված հարցեր։
Պուտինի մամուլի քարտուղար Դմիտրի Պեսկովի խոսքով՝ հանդիպման թեմաներից է լինելու նաև «Հյուսիսային հոսք 2» գազատարի գործարկման հարցը:
Տաթև Ֆռանգյան
