29.06.2026 | 09:53
ՀՀ տարածքում ավտոճանապարհներն անցանելի են
Թուրքիայի կառավարության վաղվա նիստի օրակարգում Հայաստանի հետ հարաբերությունների հարցն է
Քաղաքականություն
15.02.2022 | 13:45
Թուրքիայի նախագահ Ռեջեփ Թայիփ Էրդողանի ղեկավարությամբ վաղը տեղի է ունենալու Թուրքիայի կառավարության նիստը, որի ընթացքում քննարկվելու են տնտեսական ու արտաքին քաղաքականությանն առնչվող հարցեր, հաղորդում է TRT Haber-ը։
Ի դեպ, կառավարության նիստը տեղի է ունենալու երկշաբաթյա դադարից հետո։
Նշվում է, որ Հայաստանի հետ հարաբերությունների հարցը ևս նիստի օրակարգում է։ Մասնավորապես, քննարկվելու է Հայաստանի հետ հատուկ ներկայացուցիչների մակարդակով բանակցությունների վերջին իրավիճակը։
Հիշեցնենք, որ Հայաստանի և Թուրքիայի հատուկ բանագնացների երկրորդ հանդիպումը տեղի է ունենալու Վիեննայում փետրվարի 24-ին։
Բացի այդ, քննարկվելու են նաև ՌԴ-ի և Ուկրաինայի միջև աճող լարվածությունը, ԱՄԷ-ի հետ հարաբերությունները, Իսրայելի նախագահի՝ Թուրքիա սպասվելիք այցը, ինչպես նաև Հունաստանի քայլերը Էգեյան ծովում։
Էմմա Չոբանյան
