21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Պուտինը պատրաստ է Ուկրաինայի շուրջ բանակցությունների․ Պեսկով
Քաղաքականություն
15.02.2022 | 11:20
ՌԴ նախագահի մամուլի քարտուղար Դմիտրի Պեսկովը Ուկրաինայի շուրջ ստեղծված իրավիճակն անվանել է շատ ավելի մեծ խնդրի միայն մի մասը, գրում է lenta.ru-ն։ «Եվ, իհարկե, նախագահ Պուտինը պատրաստ է բանակցությունների», – նշել է Կրեմլի խոսնակը։
Ավելի վաղ Ռուսաստանի արտաքին գործերի նախարար Սերգեյ Լավրովը չէր բացառել ՆԱՏՕ-ի հետ Եվրոպայում անվտանգության երաշխիքների շուրջ համաձայնության գալու հնարավորությունը՝ ասելով, որ «միշտ կա հնարավորություն»։
Մեծ Բրիտանիայի վարչապետ Բորիս Ջոնսոնի գրասենյակում նշել էին, որ Լոնդոնը կգործադրի բոլոր ջանքերը և կօգտագործի դիվանագիտության հնարավորությունները՝ լարվածությունը թուլացնելու համար։ ԱՄՆ-ի և Ռուսաստանի միջև երկխոսության հետագա հեռանկարները գնահատել է նաև ԱՄՆ Պետդեպարտամենտի մամուլի ծառայության ղեկավար Նեդ Փրայսը։ Նա նշել է, որ հետագա դիվանագիտական շփումները կախված կլինեն Մոսկվայի արձագանքից։
Տաթև Ֆռանգյան
