21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
ԱՄՆ-ի պատասխանը Ռուսաստանի անվտանգային առաջարկներին չի կարող բավարարել Մոսկվային․ Լավրով
Քաղաքականություն
14.02.2022 | 18:46
Անվտանգության երաշխիքների վերաբերյալ ռուսական առաջարկներին Վաշինգտոնի պատասխանը չի կարող բավարարել Մոսկվային: Այս մասին հայտարարել է ՌԴ ԱԳ նախարար Սերգեյ Լավրովը նախագահ Վլադիմիր Պուտինի հետ հանդիպմանը, գրում է ՏԱՍՍ-ը։
«ԱՄՆ-ի պատասխանը բաղկացած է երկու մասից: Առաջին մասը պատասխանում է մեր երեք հիմնական խնդիրներին, որոնք մենք ներկայացրել էինք՝ ՆԱՏՕ-ի չընդլայնումը, մեզ սպառնացող հարվածային զենքերի չտեղակայումը և, ընդհանրապես, զինվորականների վերադարձը, և ռազմատեխնիկական կոնֆիգուրացիան Եվրոպայում մինչև 1997 թվականի դիրքերը վերադարձնելը, երբ ստորագրվեց Ռուսաստան-ՆԱՏՕ հիմնադիր ակտը, որում առաջին անգամ այս ձևաչափով բարձրաձայնվեց անվտանգության անբաժանելիության ապահովման խնդիրը»,- ասել է նա՝ հավելելով․ «Այս հարցերի պատասխանը բացասական է։ Իհարկե, դա մեզ չի կարող բավարարել»։
Ռուսաստանցի պաշտոնյայի խոսքով՝ Ռուսաստանն ուշադիր վերլուծել է անվտանգության երաշխիքների վերաբերյալ Մոսկվայի առաջարկներին ԱՄՆ-ից և ՆԱՏՕ-ից ստացված պատասխանները։
«Հունվարի 25-ին մեզ ուղարկեցին պատասխաններ՝ ԱՄՆ-ի պատասխանը և Հյուսիսատլանտյան դաշինքի պատասխանը, մենք մեր գործընկերների հետ միջգերատեսչական ձևաչափով մանրակրկիտ ուսումնասիրեցինք դրանք։ Միացյալ Նահանգների պատասխանն առաջին հերթին մեզ է հետաքրքրում, քանի որ բոլորը հասկանում են, թե ով է գլխավոր դերակատարումն ունենում արևմտյան ճամբարում այս խնդիրների լուծման գործում»,- ասել է ՌԴ արտգործնախարարը։
Տաթև Ֆռանգյան
