07.11.2024 | 10:30
Նավթի գներն աճել են
Թալիբները 10․000 գրոհային են տեղակայում Ուզբեկստանի և Տաջիկստանի հետ սահմաններին
Քաղաքականություն
14.02.2022 | 18:30
Աֆղանստանում իշխանության եկած «Թալիբան» շարժումը մտադիր է ժամանակակից զենքերով և տեխնիկայով զինված 10.000 զինյալի ուղարկել Տաջիկստանի և Ուզբեկստանի հետ սահմանակից նահանգներ։ Այս մասին հայտնել է «Թալիբան»-ի զինված ուժերի գլխավոր շտաբի պետ Կարի Ֆասիհուդդին Ֆիտրաթը, փոխանցում է EADaily-ն։
«Երկրի հյուսիսային և հյուսիսարևելյան նահանգներում տեղակայված ՆԱՏՕ-ի և ԱՄՆ-ի համակարգերի ամենաժամանակակից տեխնոլոգիաներով զինված 10 հազարանոց հզոր բանակը միջոցներ կձեռնարկի ցանկացած զինված գործողության դեմ։ Հնարավորինս կարճ ժամանակում մարտական ինքնաթիռները պատրաստ կլինեն և կաջակցեն այս հզոր ուժին»,- սոցցանցում տեղեկացրել է թալիբների ներկայացուցիչը։
Նշենք, որ Ուզբեկստանին սահմանակից է Աֆղանստանի հյուսիսային Բալխ նահանգ, իսկ Տաջիկստանին՝ հյուսիսարևելյան Քունդուզը, Թահարը և Բադախշանը։
Տաթև Ֆռանգյան
