28.04.2026 | 14:33
Իլոն Մասկն ընդդեմ Սեմ Ալթմանի. սկսվել է OpenAI-ի դեմ դատական գործընթացը
«Սերժ Սարգսյան, քեզ հետ մենք դժբախտ ենք»․ Արմեն Մարտիրոսյանը՝ ընդդիմադիրների շարժման մասին
Հասարակություն
18.04.2018 | 19:52
«Ես կարծում եմ՝ երիտասարդությունը Սերժ Սարգսյանի խնդրանքն է իրականացնում։ Նա ասել էր, որ ցույցին քիչ մարդ է մասնակցում։ Հիմա Սերժ Սարգսյանը հայաստանցիներին խնդրել է, որ նրանք դժգոհություն ցույց տան, դրա լավագույն ձևը ցույցի գնալն է և ասելը որ դժգոհ ենք ոչ միայն իշխանություններից, այլև բանակից, ոստիկանության, տնտեսության վիճակից»,-Factor.am-ի հետ զրույցում նման տեսակետ է հայտնում «Անտարես» հրատարակչության տնօրեն Արմեն Մարտիրոսյանը՝ անդրադառնալով Սերժ Սարգսյանի դեմ Նիկոլ Փաշինյանի առաջնորդած ընդդիմադիր շարժմանը։
Նա շեշտում է՝ այն, որ Սերժ Սարգսյանը որպես փաստարկներ բերում է բանկերում ավանդների շատացման , մեքենաների թվի ավելացման ցուցանիշները, հիմք չէ կարծելու, թե Հայաստանում դրական տեղաշարժեր են իրականացվել: «Հայաստանցիները երջանիկ չեն, արտագաղթը դրա վկայությունն է։ Սերժ Սարգսյան, քեզ հետ մենք դժբախտ ենք»,-ասում է պարոն Մարտիրոսյանը։
Աննա Բաբաջանյան
