18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Զելենսկին Ջո Բայդենին Ուկրաինա է հրավիրել
Քաղաքականություն
14.02.2022 | 14:12
Ուկրաինայի նախագահի գրասենյակը հաստատել է, որ հեռախոսազրույցի ընթացքում Վլադիմիր Զելենսկին ԱՄՆ նախագահ Ջո Բայդենին հրավիրել է Ուկրաինա։ Նրա կարծիքով՝ Բայդենի այցը կնպաստի ապաէսկալացիային։
Սպիտակ տունը կարծում է, որ Ռուսաստանը կարող է հարձակվել Ուկրաինայի վրա առաջիկա օրերին, գրում է «Կոմերսանտը»։
«Համոզված եմ, որ ձեր այցը Կիև մոտ օրերս, որոնք վճռորոշ են իրավիճակի կայունացման համար, ուժեղ ազդանշան կլինի և կնպաստի ապաէսկալացիային»,-ասել է Զելենսկին Ջո Բայդենին։
Վլադիմիր Զելենսկին վստահություն է հայտնել, որ Ուկրաինան կկարողանա կասեցնել ցանկացած էսկալացիա։
«Ուկրաինայի մայրաքաղաք Կիևը, մեր պետության մյուս քաղաքները՝ Խարկովն ու Լվովը, Դնեպրն ու Օդեսան, ապահով և հուսալի պաշտպանության տակ են»,- ասել է նա։
Ուկրաինայի նախագահն ընդգծել է ԱՄՆ-ի և մյուս գործընկերների աջակցությունը՝ հավելելով, որ ակնկալում է, որ այն կօգնի կանխել խուճապի տարածումը։
Ավելի վաղ ԱՄՆ նախագահին Ուկրաինա հրավիրելու մասին հայտնել էր CNN-ի աղբյուրը։ Այդ տեղեկությունների համաձայն՝ Ջո Բայդենից դրական պատասխան չի ստացվել։ Հեռուստաընկերության զրուցակիցն այցի հնարավորությունը քիչ հավանական է համարել։
