10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Ուժեղ երկրաշարժի յուրաքանչյուր օջախ ունի կրկնելիություն. ՍՊՏԾ ՊՈԱԿ-ի տնօրեն. ՏԵՍԱՆՅՈՒԹ
Տեսանյութեր
14.02.2022 | 13:25
Հայաստանում փետրվարի 13–ին տեղի ունեցած երկրաշարժից հետո գրանցվել է 165 հետցնցում, որից ամենաուժեղը 3 մագնիտուտ է եղել։ Այս Տեղեկությունը լրագրողների հետ զրույցում հայտնեց «Սեյսմիկ պաշտպանության տարածքային ծառայություն» ՊՈԱԿ–ի տնօրեն Սոս Մարգարյանը։
Նրա խոսքով` ուժեղ երկրաշարժի յուրաքանչյուր օջախ ունի կրկնելիություն, հետցնցումները բնորոշ են նման երկրաշարժերին։
«Եթե նախորդ տարվանից հաշվենք, մինչ այժմ տեղի ունեցած բոլոր երկրաշարժերը ուժեղ չեն եղել։ 5.2 մագնիտուդը համարվում է չափավոր ուժեղ և շատ հավանական է, որ երեկվա երկրաշարժի հետցնցումները տևեն մի փոքր ավելի »,-ասաց Սարգսյանը։
Հիշեցնենք՝ երեկ՝ փետրվարի 13-ին, ՀՀ ԱԻՆ-ը հաղորդեց երկրաշարժի մասին: Ըստ հաղորդագրության՝ տեղական ժամանակով ժամը 22:25-ին, Բավրա քաղաքից 16 կմ հյուսիս-արևելք, օջախի 10 կմ խորությամբ, 5.2 մագնիտուդով երկրաշարժ է գրանցվել: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:
Մանրամասները՝ տեսանյութում:
